Bazara göyərti satmağa getdi - Evinə tabutda gəldi

Bu gün səhər saatlarında Salyan bazarına göyərti satmağa gedən 63 yaşlı kişinin piştaxta arxasında qəfil ölümünün təfərrüatı məlum olub.

Rayonun Ərəbqardaşbəyli kənd sakinlərinin AzNews.az-a verdiyi məlumata görə, Saday Hüseynov 5 il bundan öncə ürəyindən əməliyyat olunub:

"Saday kişi ürək xəstəsi idi. Əməliyyat olunmuşdu. Əməliyyatdan sonra həkimlər ona ağır işə icazə vermədiyindən bazarda lövbər salıb, gününü göyərti satmaqla yola verirdi. Az-çox qazanıb ailəsini dolandırırdı. Həm də kiməsə ağız açmadan dava-dərmanını alırdı. Bu gün də bayram günü alver yaxşı olar deyə səhər tezdən bazara gedib. Satacağı göyərtiləri səliqə ilə piştaxtanın üstünə düzüb. Bir-iki dəstə satmış qəfil halı pisləşib. Elə oradaca dünyasını dəyişib”.