Xəzər Xəbər

Ağsu və Şamaxı rayonlarında yanğın baş verib

Hadisə | 09:38 • 2 Avqust 2018
Ağsu və Şamaxı rayonlarında yanğın baş verib

Avqustun 2-də, gecə saat 02:30 radələrində Ağsu və Şamaxı rayonlarının sərhəd ərazisində (Ağsu dolaylarında) meşə və meşəətrafı ərazilərdə yanğın baş verib.

Fövqəladə Hallar Nazirliyinin mətbuat xidmətindən xezerxeber.az-a bildirilib ki, Dövlət Yanğından Mühafizə Xidmətinin yanğın bölmələri, Mülki müdafiə qoşunlarının, Xüsusi Riskli Xilasetmə Xidmətinin şəxsi heyəti, Aviasiya dəstəsinin 2 ədəd "Mi-17” helikopteri (200-dən çox şəxsi heyət və 20 texnika), Ağsu Rayon İcra Hakimiyyətinin, Ekologiya və Təbii Sərvətlər Nazirliyinin Meşə Təsərrüfatı İdarəsinin əməkdaşları hadisə rayonuna cəlb olunub. Yaxınlıqdakı yüksəkgərginlikli elektrik xətləri və tikililər yanğından mühafizə edilib. Yanğının söndürülməsi istiqamətində tədbirlər davam etdirilir.

Əlavə məlumat veriləcək.

Xəbər lenti