Xəzər Xəbər

Dağıstana işləməyə gedən azərbaycanlılar qəzaya düşdü: 2 ölü, 10 yaralı

Hadisə | 14:50 • 21 İyul 2018
Dağıstana işləməyə gedən azərbaycanlılar qəzaya düşdü:

Dağıstanın şərqində yerləşən İzberbaş şəhərində içərisində azərbaycanlıların olduğu "QAZel” və minik avtomobili toqquşub. Nəticədə, 2 nəfər ölüb, 10 azərbaycanlı yaralanıb.


Virtualaz.org xəbər verir ki, qəza ilə bağlı Rusiya mətbuatı məlumat yayıb.


Hadisə "Qafqaz” federal avtomobil yolunda baş verib. Dağıstan Səhiyyə Nazirliyindən verilən məlumata görə, xəstəxanaya yerləşdirilən yaralılardan birinin vəziyyəti ağır qiymətləndirilir. Digərləri isə yüngül dərəcəli xəsarətlər alıblar. Onların arasında azyaşlı yoxdur.


"Yaralılardan ikisi müalicə üçün Mahaçqalaya göndərilib. Digərləri isə ilkin tibbi yardım göstərildikdən sonra ambulator müalicəyə buraxılıblar”, - deyə məlumatda qeyd olunur.


Qəzaya düşən azərbaycanlıların Dağıstana işləməyə gəldikləri bildirilir.

Xəbər lenti