Bakıda ər-arvad bıçaqlanıb, qadın ölüb

Bakıda qətl törədilib.

Xəzər rayon Prokurorluğundan APA-ya verilən məlumata görə, hadisə Şüvəlan qəsəbəsi, 525 saylı bağ evində qeydə alınıb. Əvvəllər həmin bağ evində mühafizəçi işləyən, 1968-ci il təvəllüdlü İlqar Akif oğlu Xancanov bağ evinin sahibi Arzu Şuşalını və onun həyat yoldaşı Dilarə Əhmədovanı bıçaqlayıb. D. Əhmədova aldığı xəsarətdən hadisə yerindəcə ölüb. A. Şuşalı isə xəstəxanaya yerləşdirilib.

Faktla bağlı Xəzər rayon Prokurorluğunda Cinayət Məcəlləsinin 120.1-ci (qəsdən adam öldürmə) və 29, 120.2.7-ci (iki və daha artıq şəxsi öldürməyə cəhd) maddəsi ilə cinayət işi başlanıb, istintaq gedir.

İlqar Xancanovun əvvəllər də məhkum olunduğu bildirilir.