Ötən gün Bakı-Ələt magistral yolunda baş verən dəhşətli qəza nəticəsində xəstəxanalara 22 nəfər müraciət edib.
Bunu açıqlamasında Səhiyyə Nazirliyinin mətbuat xidmətinin rəhbəri Pərviz
Abubəkirov deyib. Nazirlik rəsmisi bildirib ki, hazırda Kliniki Tibbi
Mərkəzin stasionar şöbəsində 5 nəfər müalicə alır. "Onlardan 3-ü reanimasiyada,
2-i isə neyrotravma şöbəsindədir. Həmin 2 nəfərdən biri 23 həftəlik
hamilə qadındır. Qadını ginekoloqlar və digər həkimlər müayinə edib, döl
üçün təhlükə yoxdur".
Qeyd edək ki, dünən səhər saatlarında Bakı-Ələt
magistral yolunda dəhşətli qəza baş verib. 90-OJ-802 dövlət nömrə
nişanlı "Kamaz” markalı yük maşını 149 saylı sərnişin avtobusu ilə
toqquşub. Qəza nəticəsində 1 qadın ölüb.