Polis rəisi daşla başından vurulub

Sumqayıt şəhərində polis münaqişə zamanı xəsarət alıb.

Modern.az report-a istinadən xəbər verir ki, hadisə şəhərin 14-cü məhəlləsində baş verib.

1981-ci il təvəllüdlü Bakı şəhər sakini, polis işçisi Məmmədov Namiq Ramiz oğlu Sumqayıtın 14-cü məhəlləsi ərazisində münaqişə zəminində gicgah nahiyəsindən daş yarası alıb.

Xəstəxanaya çatdırılan şəxs daha sonra ambulator müayinəyə buraxılıb.

N.Məmmədov Sumqayıt Şəhər Polis İdarəsinin İctimai Təhlükəsizlik Şöbəsinin rəisidir.

Faktla bağlı araşdırma aparılır.