Şirvan şəhərində qətl hadisəsi baş verib.
Teleqraf.com xəbər verir ki, şəhər sakini Əziz İbadov münaqişə zəminində həmyerlisi, əvvəllər məhkum olunmuş Abbas Abbasovu bıçaqlayaraq qətlə yetirib.
Polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri nəticəsində qəsdən adam öldürməkdə şübhəli bilinən Əziz İbadov saxlanılıb.
Faktla bağlı Şirvan şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
