İyunun 6-da Qazax
rayonunun Kosalar kənd sakini S.Pənahov Rayon Polis Şöbəsinə müraciət
edərək həmin gün şəhər bazarında naməlum şəxsin ona verdiyi 400 avronu
manata dəyişdiyini, sonradan isə həmin pulun saxta olduğunu aşkar
etdiyini bildirib.
DİN-dən XəzərXəbər-ə verilən xəbərə görə, həmin əskinaslar ekspertizaya təqdim olunub.
Dərhal başlanan əməliyyat-axtarış tədbirləri ilə saxta pul mübadiləsində
şübhəli bilinən şəxs polis əməkdaşları tərəfindən Şıxlı kəndinin
ərazisində saxlanılıb.
Araşdırmalarla onun Tovuz rayon sakini Etibar Məmmədli olduğu müəyyən edilib. Faktla bağlı Qazax RPŞ-də araşdırma aparılır.