Mayın 20-də Gəncə
şəhər sakini gecə saatlarında ərazidə xidmət aparan polis əməkdaşına
yaxınlaşaraq bildirib ki, ona məxsus mağazadan ümumi dəyəri 1000 manat
təşkil edən müxtəlif geyim oğurlanıb.
DİN Mətbuat Xidmətinin Gəncə regional qrupundan XəzərXəbər-ə verilən məlumata görə, Kəpəz
rayon Polis İdarəsinin əməkdaşlarının isti izlərlə keçirdikləri
əməliyyat-axtarış tədbirləri nəticəsində oğurluğu törətməkdə şübhəli
bilinən şəhər sakinləri Elvin Bağırov, əvvəllər məhkum olunmuşlar Elçin
Xeyirxəbərov və Tural Əliyev maddi sübutlarla birlikdə yaxalanaraq Kəpəz RPİ-nə gətirilib.
Dindirilmə
zamanı onlar törətdikləri oğurluq hadisəsini etiraf ediblər. Qeyd edək
ki, saxlanılan şəxlər mağazanın yerləşdiyi ticarət mərkəzində gözətçi
işləyiblər. Faktla bağlı araşdırmalar davam etdirilir.