Penitensiar xidmətin
əməliyyat aparatının həyata keçirdiyi əməliyyat-axtarış tədbirləri
nəticəsində Şəki Penitensiar Müəssisəsinə narkotik maddə keçirilməsi
cəhdinin qarşısı alınıb.
XəzərXəbər Penitensiar Xidmətin rəsmi internet səhifəsinə istinadən bildirir ki,
Cinayət Məcəlləsinin 234.1; 237.1; 66.2; 69.3; 93.1.2-ci maddələri ilə
təqsirli bilinərək 1 il 5 ay 28 gün müddətinə azadlıqdan məhrum edilmiş
məhkum Kaltayev Məzahir Əhmədulla oğlunun yanına uzunmüddətli görüşə
gəlmiş həyat yoldaşı Balakən
rayon sakini Telliyeva Aypara Tahir qızının gətirdiyi sovqata və
üzərinə baxış keçirilən zaman sovqatda olan şalvarın cibində gizlədilmiş
kağız bükülüdə 0,47 qram marixuana aşkar edilib. Faktla bağlı araşdırma
aparılır.