Mayın 4-də Ucar Rayon
Polis Şöbəsinə müraciət edən Yuxarı Çiyni kənd sakini Elnur Kərimov
aprelin 13-nə keçən gecə yardımçı təsərrüfatından 1 baş qoyununun
oğurlandığını bildirib.
DİN-dən XəzərXəbər-ə verilən xəbərə görə, polis əməkdaşları tərəfindən əməliyyat-axtarış
tədbirlərinə başlanılıb, qısa müddətdə oğurluğu törətməkdə şübhəli
bilinən 2 nəfər müəyyən edilərək saxlanılıb.
Araşdırmalarla
onların rayon sakinləri Emin Ələkbərov və Rembo Abbaslı olduqları
müəyyən edilib. Ətraflarında aparılan əməliyyat tədbirləri ilə onların
mart ayında rayon sakini Hilal İbrahimovun yardımçı təsərrüfatından 8
qoyun, aprel ayında isə Susən Məmmədovanın və Xatirə Məmmədovanın
ümumilikdə 2 inəyini oğurlamaları da müəyyən edilib.
Cəlilabad
Rayon Polis Şöbəsi əməkdaşlarının keçirdikləri əməliyyat-axtarış
tədbirləri nəticəsində isə aprelin 28-nə keçən gecə Dələli kənd sakini
Alov İbrahimovun həyətindəki tövlədən 26 qoyun oğurlamaqda şübhəli
bilinən kənd sakini Valid Qürbətov və Masallı rayon sakini Ağa Əzizov saxlanılıblar. Faktlarla bağlı araşdırmalar aparılır.