Külək oyuncaq qəsri havaya qaldırdı: Azyaşlı öldü

İngiltərənin Esseks qraflığında baş tutan yarmarkada güclü külək oyuncaq qəsri havaya qaldırıb. Hadisə zamanı yeddiyaşlı Sammer Qrant qəsrin içində olub.

"Mirror” qəzeti xəbər verir ki, azyaşlı qızın atasıinsident zamanı heç nə edə bilməyib.

O, yalnız "Mənim qızım oradadır” deyərək qışqırıb və uçan oyuncaq qəsri saxlamağa çalışıb.

Oyuncaq 300 metr hündürlükdən yerə çırpılıb. Hadisə nəticəsində azyaşlı ölüb.

Qızın ölümündə yarmarkanın rəhbərləri Uilyam və Şelbi Terston ittiham olunur. Onların oyuncaq qəsri yerə düzgün bağlamadığı bildirilib.

Cütlüyün sözlərinə görə, güclü külək səbəbindən onlar qəsri yığışdırmaq istəyib, ancaq bundan əvvəl azyaşlı qız orada bir neçə dəqiqə oynamaq istədiyini bildirib.

Uilyam və Şelbiyə qarşı ehtiyatsızlıqdan qəsdən adam öldürmə və xidməti vəzifələrinin yerinə yetirilməməsiittihamları irəli sürülüb.