DİN narkotik vasitələrin qanunsuz dövriyyəsi ilə məşğul olan 4 azyaşlı müəyyən edib

Keçən il narkotik vasitələrin qanunsuz dövriyyəsi ilə əlaqədar 4 azyaşlı müəyyən edilib.

Xezerxeber.az-ın məlumatına görə, bu, Daxili İşlər Nazirliyinin (DİN) narkotik vasitələrin qanunsuz dövriyyəsi ilə bağlı təqdim etdiyi hesabatda əksini tapıb

Bu növ cinayətlərə görə müəyyən olunmuş 2364 nəfərdən 0,1 %-ni (4-ü) azyaşlı, 21,9%-i (519-u) 18-29 yaş, 77,8 %-ni (1841-i) 30 yaş və ondan yuxarı, 1,1 %-ni (28-i) fəhlə, 0,2 %-ni (6-sı) qulluqçu, 1-i vəzifəli, (2-si) nəqliyyat işçisi, (2-si) orta məktəb şagirdi, 1,0 %-ni (25-i) qadınlar, 87,9 %-i (2078-i) işləməyənlər və oxumayan, 0,7 %-i (17-i) xarici ölkə vətəndaşları, o cümlədən 5-i MDB vətəndaşları, 98,9 %-ni (2339-u) kişilər, 39,3 %-ni (931-i) əvvəllər cinayət törədənlər, 2 %-ni (49-u) əvvəllər xüsusi qeydiyyatda olanlar təşkil edib. Məsuliyyətə cəlb edilmiş 4 azyaşlıdan 1-i Yevlax, 1-i Tərtər, 1-i Qusar, 1-i isə Göyçay rayon sakinləri olub. Narkotiklərlə bağlı hüquqpozmalara görə 141 şəxs inzibati məsuliyyətə cəlb olunub. Onlardan 38-i həbs edilib, 103-ü isə cərimələnib.