Xəzər Xəbər

3 nəfər kompüter salonunu taladı - BAKIDA

Hadisə | 13:32 • 9 Yanvar 2018
3 nəfər kompüter salonunu taladı -

Sabunçu Rayon Polis İdarəsinin 13-cü Polis Bölməsinə L.Məmmədbəyli küçəsindəki kompyuter salonlarından birindən oğurluq edilməsi barədə müraciət daxil olub.

Xezerxeber.az Daxili İşlər Nazirliyinin mətbuat xidmətinə istinadən xəbər verir ki, əməliyyat qrupu tərəfindən hadisə yerində müvafiq tədbirlər həyata keçirilib. Araşdırmalarla salona pəncərədən girmək yolu ilə 9 ədəd oyun aparatı, noutbuk və 9 ədəd pultun oğurlandığı məlum olub.

Həyata keçirilən əməliyyat-axtarış tədbirləri ilə oğurluğu 3 nəfərin törətdiyi müəyyən edilib. Görülmüş tədbirlərlə Bakı şəhər sakinləri Fərid Şabanov, Ağa Əsgərov və Elvin Vəliyev saxlanılıblar. Onlar törətdikləri bu cinayət əməlini etiraf ediblər.

Saxlanılan şəxslər maddi sübutlarla birgə istintaqa təhvil veriliblər.

Faktla bağlı Rayon Polis İdarəsinin İstintaq şöbəsində cinayət işi başlanılıb.

Xəbər lenti