Ötən gün daxili işlər
orqanları əməkdaşlarının narkotiklərin qanunsuz dövriyyəsinə qarşı
keçirdikləri uğurlu əməliyyat tədbiri nəticəsində külli miqdarda
narkotik vasitə qanunsuz dövriyyədən çıxarılıb.
DİN-in Mətbuat Xidmətindən
XəzərXəbər-ə verilən məlumata görə, Baş Narkotiklərlə Mübarizə İdarəsinin Qərb
Bölgəsində Regional Şöbəsi əməkdaşlarının keçirdikləri əməliyyat
tədbirləri ilə Qazax rayonu ərazisində narkotik vasitələrin alqı-satqısında və istifadəsində şübhəli bilinən şəxs saxlanılıb.
Polis Şöbəsində aparılan araşdırmalarla onun Ağstafa
şəhər sakini, əvvəllər məhkum olunmuş Şahmar Həmzəyev olması məlum
olub. Baxış zamanı onun üzərindən 5 bükümdə narkotik vasitə olan
marixuana aşkar edilərək göütürülüb.