Beynəlxalq Qızıl Xaç
Komitəsinin nümayəndələri (BQXK) Dağlıq Qarabağ münaqişəsi nəticəsində
tərəflərdə saxlanılan şəxslərlə görüşüblər.
XəzərXəbər xəbər verir ki, bu barədə erməni girovluğunda saxlanılan Dilqəm Əsgərovun oğlu Kürdoğlu Əsgərov bildirib.
K.Əsgərov qeyd edib ki, onlara atası tərəfindən hər hansı məktub, video göndərilməyib.
Qeyd edək ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan
əsgərləri tərəfindən girov götürülüblər, Azərbaycan vətəndaşı Həsən
Həsənov isə güllələnərək öldürülüb. H. Həsənovun meyiti düşməndən
alınaraq Bakıda dəfn edilib.
İşğal altındakı Dağlıq Qarabağda
D. Əsgərov və Ş. Quliyev üzərində qanunsuz "məhkəmə” qurulub.
"Məhkəmə”nin qərarı ilə D. Əsgərov ömürlük, Ş. Quliyev 22 il müddətinə
azadlıqdan məhrum edilib.