2017-ci ilin yanvar
ayından 27 noyabr tarixinədək Ermənistan və işğal edilmiş Dağlıq Qarabağ
ərazisində dislokasiya olunan qanunsuz erməni hərbi birləşmələrinin
tərkibində 56 ölüm hadisəsi qeydə alınıb.
XəzərXəbər Ordu.az-a istinadən xəbər verir ki, Helsinki Vətəndaş Assambleyasının Vanadzor ofisinin cari ilin 9 ayı ərzində erməni
ordusunda baş verən ölüm hadisələri ilə bağlı hesabatında 46 fakt öz
əksini tapıb. Daha 10 hadisə isə oktyabr və noyabr aylarında baş verib.
Son 2 ayın məlumatlarına görə, baş verən 10 ölüm hadisəsindən cəmi 2-si təxribata cəhd edərəkən baş verib.
Digər
8 ölüm hadisəsində isə 1 hərbi qulluqçu qəfil, 3 hərbi qulluqçu mina
partlayışı nəticəsində, 1 hərbi qulluqçu anbarda baş verən partlayış
nəticəsində, 1 hərbi qulluqçu avtomobil qəzası nəticəsində, 1 hərbi
qulluqçu özünəqəsd nəticəsində, 1 hərbi qulluqçu digər əsgər yoldaşı
tərəfindən odlu silahdan açılan atəş nəticəsində ölüb.
Aşağıda son 10 ölüm hadisəsi göstərilib:- 10 oktyabr, saat 11:00 radələrində Ermənistan ordusunun müddətli xidmət hərbi qulluqçusu, erməni əsgəri Çaplin Armeni Marqaryan atəşkəs
rejiminin pozulması nəticəsində sinə nahiyyəsində odlu silah yarası ilə
hospitala təxliyyə edilib və saat 21:00 radələrində hospitalda ölüb.
- 19 oktyabr, saat 15:50 radələrində Ermənistan ordusunun müddətli xidmət hərbi qulluqçusu, erməni əsgəri Tiqran Armeni Xaçatryan təxribata cəhd edərkən çiyin nahiyyəsində aldığı odlu silah yarasından ölüb.
- 20 oktyabr, saat 12:40 radələrində işğal altında olan Dağlıq Qarabağ ərazisindəki qanunsuz hərbi birləşmənin müddətli xidmət hərbi qulluqçusu, erməni əsgəri Aram Sirekani Xaçatryan əsgər yoldaşı tərəfindən sag çiyin nahiyyəsindən aldığı odlu silah yarasından ölüb.
- 20 oktyabr, saat 17:20 radələrində işğal altında olan Dağlıq Qarabağ ərazisindəki qanunsuz hərbi birləşmənin müddətli xidmət hərbi qulluqçusu, erməni
əsgəri Hraç Ararati Avetisyan ona təhkim edilmiş avtomat silahdan əsgər
yoldaşı tərəfindən alın nahiyyəsinə açılmış odlu silah yarasından ölüb.
- 4 noyabr, saat 12:10 radələrində işğal altında olan Dağlıq Qarabağ
ərazisindəki qanunsuz hərbi birləşmənin anbarında təsərrüfat işləri
apararkən mina partlayışı nəticəsində müddətli xidmət hərbi qulluqçusu, erməni
əsgəri Hrant Xaçaturi Manqasaryan ölüb. Anbar rəisi müqaviləli
hərbiqulluqçu Qevorq Hyusnunts və müddətli xidmət hərbi qulluqçusu, erməni əsgəri Sergey Ayumyan müxtəlif dərəcəli xəsarətlərlə hospitala təxliyyə edilib.
- 21 noyabr, saat 18:35 radələrində işğal altında olan Dağlıq Qarabağ
ərazisindəki qanunsuz hərbi birləşmənin ön xətt mövqelərində mühəndis
istehkam işləri apararkən mina partlayışı nəticəsində mina qəlpələri
xəsarətindən leytenant Qeğam Koryuni Zakaryan, müddətli xidmət hərbi
qulluqçuları, erməni əsgərləri Sarkis Qurqeni Abrahamyan, Sarkis Mheri Məlikyan ölüb. Müddətli xidmət hərbi qulluqçusu, erməni əsgəri Narek Hayki Hoveyan mina partlayışı qəlpə yaraları ilə hospitala təxliyyə edilib.
- 23 noyabr, saat 08:00 radələrində Ermənistan müdafiə nazirliyinin hərbi hissəsinin müddətli xidmət hərbi qulluqçusu, erməni
əsgəri Qevorq Samveli Xanamiryan idarə etdiyi "UAZ" markalı avtomobillə
qəza törədib və təxliyyə edildiyi hospitalda saat 12:00 radələrində
ölüb.
- 24 noyabr, saat 09:30 radələrində Ermənistan
müdafiə nazirliyinin Vanadzorda yerləşən hərbi hissəsinin müqaviləli
hərbi qulluqçusu Qarnik Borisi Petrosyan sinə nahiyyəsindən ağrılarla
bağlı hərbi hissənin tibb məntəqəsinə müraciət edib, 24 noyabr saat
09:55-də hospitala təxliyyə edilərkən yolda ölüb. Onun, ürək damar
infaktından öldüyü bildirilib.
Helsinki vətəndaşlıq
assambleyasının Vanadzor ofisinin məlumatına görə, cari ilin 9 ayı
ərzində (yanvar-sentyabr) ölən 46 nəfərdən 29 nəfəru müddətli hərbi
qulluqçuları olub. 44 hadisə haqqında rəsmi məlumat verilib, 2 hadisə
barədə yalnız kütləvi informasiya vasitələri ilə xəbər yayılıb. 9 ay
ərzində baş verən hadisələrin böyük hissəsi, yəni 29 hadisə işğal
altında olan Dağlıq Qarabağ
ərazisindəki qanunsuz hərbi birləşmələrin tərkibində baş verib.
İstintaq idarəsindən verilən məlumata görə, 38 ölüm hadisəsi barədə
cinayət işi açılıb.
Qeyd edək ki, Azərbaycan Müdafiə Nazirliyi (MN) dəfələrlə erməni silahlı bölmələrində qeydə alınan itkilərin açıqlanan rəsmi rəqəmlərdən daha çox olduğunu bəyan edib. Nazirlik bildirib ki, erməni hərbi rəhbərliyi silahlı qüvvələrdə baş verən çoxsaylı itkini əhalidən gizlədir.