Avtomobilin yanacaq çənində gizlədilən pirotexniki vasitələri aşkar edilib

Avtomobilin yanacaq çənində gizlədilən pirotexniki vasitələr gömrükdə aşkar olunub.

Dövlət Gömrük Komitəsindən xezerxeber.az-a verilən məlumata görə, Tovuz Gömrük İdarəsinin "Sınıq Körpü" gömrük postunun gömrük nəzarəti zonasına Gürcüstan istiqamətindən daxil olan Azərbaycan vətəndaşının idarə etdiyi "Mersedes Benz" markalı avtomobilə gömrük baxışı keçirilib.

Yoxlama zamanı avtomobilin yanacaq çəninin içərisində xüsusi olaraq düzəldilən gizli saxlanc yerindən, arxa oturacağın içərisindən və arxa şüşənin örtüyünün altından gömrük nəzarətindən gizlədilən 1380 ədəd "K0201" pirotexniki vasitə aşkar edilib.

Faktla bağlı araşdırma aparılır.