Yataqxanadakı yanğınla bağlı daha bir açıqlama

Qaçqınların və Məcburi Köçkünlərin İşləri üzrə Dövlət Komitəsi Sumqayıtda yataqxanada baş verən yanğınla bağlı məlumat yayıb.

XəzərXəbər-in məlumatına görə, komitə Sumqayıt şəhərində məcburi köçkünlərin məskunlaşdığı yataqxanada baş verən yanğın nəticəsində ölən və yaralıların olmadığını bəyan edib.

Məlumata görə, hadisə baş verən zaman komitə sədrinin müavini və digər məsul şəxslər hadisə yerində olublar.

Hazırda Fövqəladə Hallar Nazirliyi tərəfindən yanğının baş vermə səbəbləri araşdırılır. Bundan sonra müvafiq dövlət orqanları ilə birlikdə lazımı tədbirlər görüləcəkdir.

Qeyd edək ki, dünən gecə Sumqayıt şəhərində beşmərtəbəli yataqxanada yanğın baş verib.