Xəbər verdiyimiz kimi, bu gün axşam saatlarında Sumqayıtda yataqxanada partlayış, ardınca yanğın olub.
XəzərXəbər xəbər verir ki, Sumqayıt Təcili Yardım Xəstəxanasından Trend-ə verilən məlumata görə, 25 nəfər xəstəxanaya yerləşdirilib.
Həmçinin qeyd edilir ki, 1 nəfər 14 yaşlı qızın vəziyyəti ağır olduğundan reanimasiya şöbəsinə yerləşdirilib.
***
Fövqəladə Hallar Nazirliyi (FHN) Sumqayıtda baş verən yanğınla bağlı məlumat yayıb.
XəzərXəbər xəbər verir ki, FHN-nin Böhran Vəziyyətlərində İdarəetmə Mərkəzinə
daxil olmuş məlumata əsasən, Sumqayıt şəhərində beşmərtəbəli yaşayış
binasının dəhlizində və mətbəxində yanğın olub.
Yanğının söndürülməsi zamanı bina sakinləri təhlükəsiz əraziyə təxliyyə
olunub. Yanğın saat 21:37-də yanğınsöndürənlər tərəfindən söndürülüb.
Əlavə məlumat veriləcək.
***
Sumqayıtda yataqxanada partlayış olub.
Hadisə şəhərin 8-ci mikrorayonundakı yataqxanada baş verib. Hadisə nəticəsində ölən və yaralananların olduğu bildirilir.
Partlayış yanğına çevrilib. Partlayışın yataqxananın 3-cü mərtəbəsində
baş verdiyi deyilir. Hadisə yerinə şəhərin hüquq mühafizə idarəsinin
əməkdaşları və Fövqəladə Hallar Nazirliyinin canlı qüvvəsi, Təcili Tibbi
Yardım avtomobilləri cəlb edilib.
Hadisə nəticəsində ondan artıq şəxs zəhərlənmə ilə Sumqayıt şəhər Təcili Tibbi Yardım Xəstəxanasına yerləşdirilib. (Trend)
Xəbər yenilənir...
***
Fövqəladə Hallar Nazirliyinin Böhran Vəziyyətlərində İdarəetmə
Mərkəzinə Sumqayıt şəhərində beşmərtəbəli yaşayış binasında yanğın baş
verməsi barədə məlumat daxil olub.
XəzərXəbər FHN-in saytına istinadən xəbər verir ki, dərhal Nazirliyin Dövlət
Yanğından Mühafizə Xidmətinin canlı qüvvə və texnikası hadisə yerinə
cəlb olunub.
Yanğının söndürülməsi istiqamətində işlər davam etdirilir. Əlavə məlumat veriləcək.
Yanğın baş verən binanın Sumqayıt Dövlət Universitetinin tələbə yataqxanası olduğu deyilir.