Azərbaycanda yol qırğını: 5 ölü, 11 yaralı

Dünən Azərbaycanda baş vermiş yol qəzalarında 5 nəfər həyatını itirib.Lent.azxəbər verir ki, iyulun 18-də respublika yollarında ümumilikdə 10 yol-nəqliyyat hadisəsi baş verib. Nəticədə daha 11 nəfər də müxtəlif dərəcəli xəsarətlər alıb.

Bakının Binəqədi və Sabunçu rayonlarında piyadaları maşın vurub öldürüb. Ağdaş və Goranboyda isə "Hyundai" markalı avtomobillərin aşması insan itkisinə səbəb olub. Balakəndə isə iki minik avtomobilinin toqquşması nəticəsində bir nəfər ölüb.

Hər bir faktla bağlı araşdırma aparılır.