Kür çayında batan digər polis əməkdaşının da meyiti tapılıb.
Xezerxeber.az bildirir ki, bu barədə Fövqəladə Hallar Nazirliyi məlumat yayıb. Rəsmi məlumata görə, iyulun 2-də Kür çayının Ağstafa rayonu, Saloğlu qəsəbəsindən keçən hissəsində batmış 1991-ci il təvəllüdlü Şahlar Ramiz oğlu Mamayevin cəsədi saat 09:27-də Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən tapılaraq sudan çıxarılıb.
Bundan əvvəl digər polis işçisi, 1993-cü il təvəllüdlü Qalib Cəlal oğlu Novruzovun cəsədi taplılmışdı.
Xatırladaq ki, iyulun 2-də üç polis əməkdaşı öz peşə bayramlarını qeyd etmək üçün Kürün kənarına gəliblər. Kürdə çimən vaxt su axını onları aparıb. Polis əməkdaşlarından 1-i xilas edilib, 2 polis əməkdaşı isə suda boğulub.
Qeyd edək ki, onlar Dəmir Yolu Nəqliyyatında Polis İdarəsinin Ağstafa Xətt Polis Bölməsinin əməkdaşlarıdır.