Sumqayıt və Şamaxı sakinlərindən silah-sursat götürülüb

20.10.2018 13:47

Qanunsuz saxlanılan silah-sursatın aşkar edilərək götürülməsi, eyni zamanda könüllü təhvil verilməsi məqsədi ilə polis əməkdaşları tərəfindən əməliyyat-axtarış və profilaktiki tədbirlər davam etdirilir.

DİN-də XəzərXəbər-ə verilən xəbərə görə, Sumqayıt ŞPİ-nin 2-ci Polis Bölməsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Abşeron rayon sakini Elnur Mirzəyevin "Daewoo” markalı avtomobilindən qundağı və lüləsi kəsilmiş "İJ-16” markalı tüfəng və 4 ədəd patron aşkar edilərək götürülüb.

Şamaxı Rayon Polis Şöbəsinin əməkdaşları tərəfindən şəhər sakini İntiqam Əzizovdan "BUM” markalı ov tüfəngi götürülüb. Polis əməkdaşlarının apardıqları profilaktiki tədbirlər nəticəsində Ağsu şəhər sakini, əvvəllər məhkum olunmuş Maarif Mirzəyev nömrəsi silinmiş "Makarov” markalı tapançanı, 1 ədəd patron darağını və 5 ədəd patronu könüllü olaraq Rayon Polis Şöbəsinə təhvil verib. Faktlarla bağlı araşdırmalar aparılır.

© xezerxeber.az


101 dəfə oxunub

XƏBƏRLƏR

ÇOX OXUNANLAR