Parlament seçkiləri azad və ədalətli şəkildə keçirildi - GUAM Parlament Assambleyasının müşahidə missiyası

Bu gün Milli Məclisə keçirilən seçkilərlə əlaqədar GUAM Parlament Assambleyasının müşahidə missiyası müşahidələrinin nəticələrini açıqlayıb.

XəzərXəbər-in məlumatına görə, missiyanın üzvü, ukraynalı deputat Maryan Zablotskiy bildirib ki, GUAM Parlament Assambleyasının müşahidə missiyası parlament seçkilərinin azad və ədalətli şəkildə keçirilməsinə şahid olub: "Azərbaycan parlamentinə seçkilər beynəlxalq standartlara və qanunvericiliyə uyğun şəkildə həyata keçirilib. Seçicilərin öz iradələrini azad şəkildə ifadə etmələri üçün hər cür şərait yaradılıb".

M.Zablotskiy GUAM Parlament Assambleyasının müşahidə missiyasının müşahidə aparılan məntəqələrdə heç bir pozuntu hallarına rast gəlinmədiyini vurğulayıb.