İnsan hüquqları məsələləri üzrə birgə işçi qrupun iclası keçirilir

Aprelin 3-də insan hüquqları məsələləri üzrə birgə işçi qrupun növbəti iclası keçirilir.

Xezerxeber.az xəbər verir ki, Milli Məclisdə keçirilən iclasda işçi qrupun həmsədrləri - Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi Fuad Ələsgərov, Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov, Daxili İşlər Nazirliyinin Baş Təşkilat-İnspeksiya İdarəsinin rəisi, polis general-mayoru Fazil Quliyev, qrupun üzvləri, o cümlədən deputatlar, Ədliyyə Nazirliyinin, prokurorluğun nümayəndələri, qeyri-hökumət təşkilatlarının təmsilçiləri iştirak edirlər.