Xəzər Xəbər

Gəncədə Mehriban Əliyevanın adından ehsan verilib

Gündəm | 10:14 • 17 Fevral 2019
Gəncədə Mehriban Əliyevanın adından ehsan verilib
Azərbaycan Respublikasının Birinci vitse-prezidenti Mehriban Əliyevanın tövsiyəsi ilə Gəncənin "İmamzadə” Dini-Memarlıq Kompleksində ehsan verilib.


XəzərXəbər xəbər verir ki, kompleksin mərasim zalında 1000 nəfər üçün ehsan süfrəsi açılıb. Mərasim Heydər Əliyev Fondunun təşəbbüsü ilə təşkil edilib. Ehsan süfrəsi ətrafında Gəncə və ətraf rayonlarda yaşayan din xadimləri, aztəminatlı ailələrin üzvləri, Gəncə Uşaq Evinin sakinləri bir araya gəliblər.

Mərasim Azərbaycanın bütövlüyü uğrunda şəhid olan vətən oğullarının xatirəsinə bir dəqiqəlik sükutla başlayıb, ruhlarına dualar oxunub.

Ehsandan mərasimdə iştirak edə bilməyən aztəminatlı ailələrə, Uşaq Evinin sakinlərinə pay göndəriləcək.

Xatırladaq ki, fevralın 14-də Azərbaycan Respublikasının Birinci vitse-prezidenti Mehriban Əliyeva və Heydər Əliyev Fondunun vitse-prezidenti Leyla Əliyeva Gəncədə "İmamzadə” Dini-Memarlıq Kompleksini ziyarət ediblər.

Xəbər lenti