"Şəhid ailələrinə
birdəfəlik ödəmələrin verilməsi zamanı dəlallara, vasitəçilərə yol
verilməməlidir. Vətəndaşlar şəffaf şəkildə notairat orqanına müraciət
etməli və vərəsəlik haqqında təsdiq edilmiş sənədi elektron formada bizə
təqdim etməlidir"
XəzərXəbər xəbər verir ki, bunu əmək və əhalinin sosial müdafiəsi naziri Sahil
Babayev deyib. O bildirib ki, proses sadədir və tam şəkildə şəffaflıqla
təmin olunacaq.
"Təbliğat aparılmazsa, hansısa işbazlar ərizə forması doldurmaq adından neqativ hallara yol verə bilərlər. KİV
nümayəndələri prosesi tam şəkildə işıqlandırmalı və gələn neqativ
müraciətlər barədə vaxtında məlumat verməlidir. Ünvanlı sosial yardımda
müraciət elektron formada olmalıdır. Hansısa işbaz vasitəçi ortaya düşür
və həll etmək adı ilə ciddi vəsaitlər alır. Gələn şikayətləri
araşdıranda məlum olur ki, 80 faizdən artıq çəkilən adların heç birinin
nazirliyə aidiyyatı olmur".