ATƏT-in Minsk qrupunun həmsədrləri Dağlıq Qarabağ münaqişəsi tərəflərinin gərginliyin azaldılması və münaqişənin dinc nizamlanması üçün bütün səylərini alqışlayır.
Bu barədə Trend-in sorğusuna cavab olaraq ATƏT-dən Azərbaycan Prezidenti İlham Əliyev və Ermənistanın Baş naziri Nikol Paşinyan arasında Düşənbədə baş tutmuş söhbətin Dağlıq Qarabağ münaqişəsi nizamlanması prosesinə mümkün təsiri barədə sualı cavablandırarkən deyiblər.
Cavabda bildirilir: "Həmsədrlər tərəflərin əldə etdiyi və bu məqsədə çatmağa xidmət edən bütün razılaşmaları dəstəkləyir və uzunmüddətli, hərtərəfli həll yolu tapmaqda tərəflərə kömək etmək üçün zəruri vasitəçilik köməyi göstərməyə hazırdırlar”.