Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti havanın keyfiyyətini ölçən avtomatik və stasionar monitorinq stansiyalarından alınan nəticələri açıqlayıb.
Nazirliyin mətbuat xidmətindən xezerxeber.az-a verilən məlumata görə, saat 15:00-da Bakıda və Abşeron yarımadasında havada olan tozun miqdarının sanitar normanı 1,6 dəfə ötdüyü müəyyənləşib.
Qeyd edək ki, bu göstərici saat 12:00-da 1,3 dəfə sanitar normadan yuxarı olub.
Xatırladaq ki, buna səbəb ölkə ərazisinə şərq, cənub-şərq hava axınları vasitəsilə Türkmənistandan toz dumanının daxil olmasıdır.