Dövlət İmtahan Mərkəzi (DİM) 596 bal toplayan abituriyentin ali məktəbə qəbul olmaması ilə bağlı məlumata münasibət bildirib.DİM-in mətbuat xidmətinin rəhbəri Xanlar Xanlarzadə açıqlamasında bildirib ki, İbrahim Əsgəri adlı abituriyentin yığdığı bal həqiqəti əks etdirmir.
Onun sözlərinə görə, adı çəkilən şəxs az bal topladığı üçün ali məktəbə
qəbul olunmayıb: "Fotoşopla müdaxilə olunub. Təbii ki, həmin
abituriyentin balı aşağı olduğuna görə, o, müsabiqədən keçməyib. Sadəcə
olaraq təhsil eksperti məlumatı dəqiqləşdirmədən yazıb. Biz dərhal
araşdırıb gördük ki, skrin saxtadır. İbrahimin nə özü , nə də
valideyinləri bizə müraciət ediblər. Biz nəticə barədə rəsmi arayışı
göstərə bilərik. Abituriyentlər bəzən valideyinlərini aldadırlar. İddia
edirlər ki, yüksək bal toplayıblar. Belə müraciətlər əvəllər də olub”.
Qeyd
edək ki, bu barədə məlumatı təhsil eksperti Kamran Əsədov sosial
şəbəkədəki hesabında paylaşıb. Onun sözlərinə görə, İbrahim Əsgəri adlı
abituriyent yaz imtahanında 529, yay imtahanında isə 596 bal yığıb. Buna
baxmayaraq o, heç bir ali məktəbə qəbul ola bilməyib.
"Seçdiyi
ixtisaslardan bir neçəsinə tələb olunan keçid balı keçsə də, heç bir
yerə qəbul olmayıb. 15 illik təcrübəmdə belə şey görməmişəm. Elektron
ərizəsində görünür ki, seçdiyi neçə yerin keçid balını keçib. Amma heç
bir yerə daxil olmayıb".