"Qarsdan Naxçıvana dəmir yolu xəttinin çəkilməsi istiqamətində hazırlıq işləri gedir". Bunu Türkiyənin Azərbaycandakı səfiri Erkan Özoral bu gün keçirdiyi mətbuat konfransında deyib.
"Bakı-Tbilisi-Qars
dəmir yolunun Qarsdan Naxçıvana uzadılması ilə bağlı düşüncələr yeni
deyil. Lakin bunu etməyə fürsət, imkan olmadı. Hesab edirəm ki, növbəsi
çatdıqca bütün planlar reallaşdırılacaq. Hazırda Qarsdan Naxçıvana dəmir
yolu çıkilməsi istiqamətində hazırlıqların getdiyi barədə
məlumatlıyam", - səfir qeyd edib.
E.Özoral bildirib ki, Naxçıvanın güclənməsi üçün Türkiyə əlindən gələni edir: "Naxçıvanın təkcə İran
yox, Türkiyə-Gürcüstan üzərindən Azərbaycanla əlaqə qurması bizim önəm
verdiyimiz məsələdir. İnşallah, ən qısa zamanda bu layihə
reallaşdırılacaq".