"Bizim müstəqillik
tariximizdə Azərbaycana qarşı təxribatlar törədilib. O cümlədən, silahlı
təxribatlar, terror aktları, dövlət çevrilişlərinə cəhd olub. Onların
biri də baş tutmayıb. Bunun başlıca səbəbi ondan ibarətdir ki,
Azərbaycanda xalq-iqtidar birliyi var”. XəzərXəbər xəbər verir ki, bunu Prezident İlham Əliyev
Respublikanın hüquq–mühafizə orqanları rəhbərlərinin iştirakı ilə
keçirilən iclasda deyib. Ölkə başçısı bildirib ki, xalq-iqtidar birliyi
sabitliyin əsas şərtidir:
"Xalq-iqtidar birliyini nə xarici, nə
də hər hansı daxili qüvvə sarsıda bilməz və Azərbaycanın müasir tarixi
dəfərələrlə bunu sübut edir. Kim bizə qarşı çirkin niyyətlərlə hərəkət
edir, özü bu hərkətlərin qurbanı olur. Azərbaycanda təhlükəsizlik ən
yüksək səviyyədə təmin edilir. Azərbaycan xalqı sülh, əmin-amanlıq,
təhlükəsizlik şəraitində yaşayır. Bunu üçün biz əlimizdən gələni edirik.
Bu gün Azərbaycan sürətlə inkişaf edən müasir dövlətdir. Gündən-günə
bizim gücümüz artır, potensialımız güclənir. Bizim uğurlarımıza kölgə
salmaq istəyən qüvvələr müxtəlif üsullardan istifadə edir. Bizə qarşı
çirkin kampaniyalar aparılır. Yalan, qarayaxma, iftira üzərində qurulan
kampaniyaların heç bir səmərəsi olmayacaq. Azərbaycan xalqı bu
yalanlara, böhtanlara inanmır. Çünki Azərbaycan xalqı öz rəhbərliyinə
inanır. Sonuncu prezident seçkiləri də bunu bir daha əyani şəkildə sübut
etdi”.
Dövlət başçısı qeyd edib ki, Azərbaycana qarşı müxtəlif
xarici mərkəzdən idarə olunan media tərəfindən də qaralama kampaniyası
aparılır: "Bunun da nəticəsi olmur. Özlərini QHT adlandıran bir qrupun
kampaniyasının heç bir təsiri olmadı. Nə ölkə daxilində və nə də
xaricdə. Bu gün NATO-nun
zirvə görüşü bizim nə qədər yüksək hörmətə malik olduğumuzu sübut etdi.
Azərbaycan bu gün dünyada böyük hörmətə malikdir. Bizə qarşı xarici
mərkəzlərdən idarə olunan media qurumları vasitəsilə qaralama
kampaniyaları aparılır. Bunun da səmərəsi olmayacaq. Xarici əlaqələrimiz
genişlənir. Azərbaycan dünya miqyasında çox böyük hörmətə malikdir.
Bu
cəhdlər əbəsdir. Bizim siyasətimizə, iradəmizə şər qüvvələr təsir edə
bilmir. Onların əlində terrordan başqa heç nə qalmayıb. Bu da
keçməyəcək, necə ki, əvvəllər də keçməyib. Azərbaycan öz gücünü göstərir
və bundan sonra da göstərəcək. Cinayətkarların hamısı məsuliyyətə cəlb
olunacaq və məhkəmə, xalq, ədalət qarşısında cavab verəcəklər. Bunu
təmin etmək üçün kifayət qədər gücümüz var".
Ölkə başçısı diqqətə
çatdırıb ki, cinayətkarların bir hissəsi artıq saxlanılıb və operativ
əməliyyat-axtarış tədbirləri davam etdiriləcək: "Tam əminliklə deyə
bilərəm ki, heç kim məsuliyyətdən boyun qaçıra bilməyəcək. Azərbaycan
xalqı tam əmin ola bilər ki, Azərbaycan bundan sonra inkişaf, tərəqqi
yolu ilə gedəcək. Azərbaycan xalqının xoşbəxt gələcəyini təmin
edəcəyik”.