Təhsil Nazirliyi
Azərbaycan Müəllimlər İnstitutunun məzunu olan Nəbiyeva (Zeynalova)
Leyla Rauf qızının diplomu ilə bağlı yaranan anlaşılmazlığı həll edib.
Nazirlikdən XəzərXəbər-ə verilən məlumata görə, təhsil naziri bununla bağlı yeni diplom blankının verilməsi barədə əmr verib.
Əmrdə
göstərilir ki, Nəbiyeva (Zeynalova) Leyla Rauf qızı 2000/2001-ci tədris
ilində Tələbə Qəbulu üzrə Dövlət Komissiyası (indiki Dövlət İmtahan
Mərkəzi) tərəfindən ali təhsil müəssisələrinin bakalavriat səviyyəsinə
qəbulla bağlı keçirilmiş test imtahanında iştirak edərək Azərbaycan
Müəllimlər İnstitutunun (AMİ) Qazax
filialının "İbtidai təhsilin pedaqogika və metodikası” ixtisasına əyani
(dövlət sifarişi üzrə) təhsilalma forması üzrə qəbul olunub. 2004-cü
ildə həmin müəssisədən məzun olmuş Nəbiyeva (Zeynalova) Leyla Rauf
qızının adına yazılması üçün Təhsil Nazirliyindən B seriyalı 020724 nömrəli diplom blankı verilib, lakin AMİ-nin Qazax
filialı tərəfindən həmin diplom başqa şəxsin adına yazılıb. Nəbiyeva
(Zeynalova) Leyla Rauf qızına isə hüquqi əsası olmayan B seriyalı 042889
nömrəli diplom təqdim olunub.
Yeni əmrlə Nəbiyeva (Zeynalova)
Leyla Rauf qızının TQDK tərəfindən keçirilmiş test imtahanında iştirak
etməklə qanuni əsaslarla ali təhsil müəssisəsinə qəbul olunduğunu və
təhsilini başa vurduğunu nəzərə alaraq, nazirlik tərəfindən AMİ-nin Qazax
filialına Nəbiyeva (Zeynalova) Leyla Rauf qızının adına yazılması üçün
verilmiş, lakin başqa şəxsin adına yazılmış B seriyalı 020724 nömrəli
diplom etibarsız hesab edilib.
Əmrdə qeyd edilir ki, Bakı Dövlət Universitetinin Qazax
filialı (V.Əfəndiyev) diplom blankının müvafiq qaydada doldurulmasını
və Nəbiyeva (Zeynalova) Leyla Rauf qızına verilməsini təmin etsin.