"Bakıda keçirilən görüşün Əfqanıstan münaqişəsinin həlli baxımından çox faydalı olacağını düşünürəm"
Bunu Bakıda keçirilən Əfqanıstan üzrə beynəlxalq
əlaqələndirmə qrupunun toplantısında iştirak edən "Taliban" hökumətinin
Pakistandakı sabiq səfiri Əbdülsələm Zəif jurnalistlərə açıqlamasında
deyib. Ə.Zəif qeyd edib
ki, bu gün keçirilən iclas zamanı Əfqanıstandakı seçkilər, "Taliban" və
Əfqanıstan arasında sülh prosesinin növbəti danışıqlar mərhələsi və.s
məsələlər müzakirə ediləcək:
"Eyni zamanda hərbi əməliyyatlar da
müzakirə olunacaq. Sonuncu sessiyada "Taliban"la sülh prosesinə dair
növbəti addımlara dair çıxışım olacaq".
Bakıda ilk səfəri olduğunu xatırladan Zəif Əfqanıstanın yaxşı gələcəyinin olacağına inanır.