Xəzər Xəbər

Yeni təhsil proqramı üzrə imtahan nəticələri açıqlandı

Gündəm | 17:46 • 23 May 2018
Yeni təhsil proqramı üzrə imtahan nəticələri açıqlandı

Dövlət İmtahan Mərkəzi (DİM) yeni təhsil proqramları (kurikulumlar) üzrə 10-cu sinif şagirdləri üçün keçirilmiş sınaq imtahanının nəticələri açıqlanıb.

DİM-dən XəzərXəbər-ə verilən məlumata görə, mayın 6-da sınaq imtahanında iştirak etmiş şəxslər DİM-in internet saytında https://eservices.dim.gov.az/netsinaq10/?frm=egov keçidinə daxil olaraq iş nömrəsi və şəxsiyyəti təsdiq edən sənədin nömrəsindən (və ya FİN kodundan) istifadə etməklə öz imtahan nəticələrini öyrənə bilərlər.

Həmçinin cavab vərəqinin ön və arxa üzünün qrafik təsviri, həmçinin hər bir açıq tipli tapşırıq üzrə qiymətləndirmə meyarları ilə tanış ola bilərlər. Şagirdlər imtahan nəticələri barədə məlumatı, həmçinin mobil operatorlar (Azercell, Bakcell, Nar) vasitəsilə "iş nömrəsi”ni 7727 nömrəsinə göndərməklə də öyrənə bilərlər.

Sınaq imtahanında iştirak etmək üçün qeydiyyatdan keçmiş 11827 şagirddən 90 nəfəri imtahana gəlməyib.

Xəbər lenti