2017-ci ildə dövlət
əsaslı vəsait qoyuluşu xərclərindən və dövlət büdcəsinin ehtiyat
fondundan ayrılmış vəsaitlər də nəzərə alınmaqla müdafiə xərclərinə
2803,6 milyon manat vəsait yönəldilib. Bunu maliyyə nazirinin müavini Azər Bayramov İqtisadi
siyasət, sənaye və sahibkarlıq komitəsinin iclasında "Azərbaycan
Respublikasının 2017-ci il dövlət büdcəsinin icrası haqqında” qanun
layihəsinin müzakirəsi zamanı deyib.
Nazir müavini bildirib ki,
bu, dövlət büdcəsi xərclərinin 15,9 faizinə bərabər olmaqla 2016-cı illə
müqayisədə 2,1 faiz-bənd çoxdur.