ATƏT-in Minsk Qrupunun
həmsədrləri Endryu Şofer (ABŞ), Stefan Viskonti (Fransa) və İqor Popov
(Rusiya) Fransanın paytaxtı Parisdə Azərbaycanın xarici işlər naziri
Elmar Məmmədyarovla keçirilən görüş barədə bəyanat yayıb.
XəzərXəbər-in məlumatına görə, bəyanatda deyilir ki, görüşdə tərəflər sülh prosesinin irəliləməsi üçün mexanizmləri müzakirə ediblər.
ATƏT-in
fəaliyyətdə olan sədrinin şəxsi nümayəndəsi Anjey Kaspişik təmas
xəttində vəziyyətin nisbətən sabit olması ilə bağlı iştirakçılara
məlumat verib. Nazir Məmmədyarov Azərbaycanın tezliklə fəal danışıqları
bərpa etməyə hazır olduğunu bildirib.
Bundan əlavə, həmsədrlər
cari ilin iyun ayında Ermənistanın yeni rəhbərliyi ilə görüşəcəklərinə
ümidvar olduqlarını vurğulayıblar.