Hava limanlarında viza verilməsinə başlanılır - SABAHDAN

Sabahdan etibarən 15 dövlətin vətəndaşları Azərbaycanın hava limanlarında "ASAN Viza” sistemi ilə viza ala biləcəklər.

APA-nın xəbərinə görə, bu yenilikdən Qətər, Oman, Səudiyyə Ərəbistanı, Bəhreyn, Küveyt, Yaponiya, İndoneziya, İran, Çin, Cənubi Koreya, Malayziya, Sinqapur, Türkiyə, İsrail və Birləşmiş Ərəb Əmirliklərinin (BƏƏ) vətəndaşları faydalana biləcəklər.

Qeyd edək ki, 2017-ci ilin yanvar ayından "ASAN Viza” sistemi vasitəsilə əcnəbilərə 3 saat ərzində elektron vizalar verilir və bunun müqabilində 20 ABŞ dolları məbləğində dövlət rüsumu alınır. Bu ilin mayına kimi 420 minə yaxın əcnəbiyə "ASAN Viza” sistemi vasitəsilə elektron viza verilib.