3 may - Beynəlxalq Günəş Günüdür

3 may - Beynəlxalq Günəş Günüdür.

AZƏRTAC xəbər verir ki, 1978-ci ildə ABŞ Prezidenti Cimmi Karter tərəfindən təsis edilən günün qeyd edilməsində əsas məqsəd Günəş enerjisindən istifadəni dəstəkləməkdir.

Günəş bitki və heyvanlar aləminə lazım olan istiliyi və işığı verir, yer Kürəsinin atmosferini formalaşdırır. Dünya ekoloqlarının rəyinə görə, Günəş olmadan bizim planet mövcud ola bilməzdi.

Artıq 10 ildən çoxdur ki, dünyanın bir çox ölkəsində qeyd edilən Günəş Gününün məqsədi alimlərə Günəşlə Yer arasında əlaqə, Günəşin hərəkətini, aktivliyini, kosmik hava şəraitini müəyyən etməyə kömək etməkdir.