"Azərbaycan sədr kimi Hərəkat çərçivəsində əməkdaşlığı dəstəkləməyə davam edəcək”.
Bunu Qoşulmama Hərəkatına üzv ölkələrin xarici işlər
nazirlərinin konfransının bağlanış mərasimində bu konfransın sədri,
Azərbaycanın xarici işlər naziri Elmar Məmmədyarov
deyib. Nazir qeyd edib ki, Azərbaycan 2019-2022-ci illərdə Qoşulmama
Hərəkatına sədrlik edəcək ölkə kimi təşkilatın bütün üzv ölkələri ilə
effektiv işləmək və bununla da dünyada təhlükəsizliyinin inkişafına
töhfə vermək niyyətindədir.
Nazir bildirib ki, Qoşulmama Hərəkatı çərçivəsində Bakıda
keçirilən "Davamlı inkişaf naminə beynəlxalq sülh və təhlükəsizliyin
təşviq edilməsi” mövzusunda aralıq nazirlər konfransının yekun sənədində
Ermənistan-Azərbaycan Dağlıq Qarabağ münaqişəsi ilə bağlı məsələ öz əksini tapıb:
"Nazirlər əhəmiyyətli qərarlar verib. Bakı
bəyənnaməsi və yekun sənəddə üzv ölkələr beynəlxalq sərhədlərə,
ölkələrin ərazi bütövlüyünə hörmətlə yanaşır. Hərəkat ölkələrin
suverenliyinə hörmət edəcək, ölkələrin daxili işinə qarışmamağa üstünlük
verəcək, gücdən istifadəyə qarşı çıxacaq. Ermənistanla münaqişə hələ də
davam edir. Bu məsələ də bəyanatda əksini tapıb. BMT
qətnamələrinə baxmayaraq, münaqişə hələ də həl olunmayıb və regional
təhlükəsizliyə təhdid təşkil edir. Bu müddəanın sənədə daxil edilməsinə
görə iştirakçılara öz təşəkkürümü bildirmişəm”.
Qeyd edək ki,
Davamlı inkişaf naminə beynəlxalq sülh və təhlükəsizliyin təşviq
edilməsi” mövzusunda Qoşulmama Hərəkatı çərçivəsində xarici işlər
nazirlərinin aralıq nazirlər konfransı çərçivəsində Bakı bəyannaməsində qəbul olunub. Bakı bəyannaməsində ölkələrin suverenliyi və ərazi bütövlüyü dəstəkləyir.
"BMT
qətnamələrinə uyğun olaraq biz ölkələrin ərazi bütövlüyü və milli
birliyinin qismən və ya ümumi parçalanmasına yönəlik bütün cəhdlərə
qətiyyətlə etiraz etməkdə davam edəcəyik. Bununla da biz dövlətlərin
suverenliyini, daxili işlərinə qarışmamaq, münaqişələrin sülh yolu ilə
həllinə təhdidlərdən və gücün tətbiqindən yayınmağa davam edəcəyik.
Sivilizasiyalar arasında səmərli dialoqu qurmaq məqsədilə 2008-də Azərbaycan tərəfindən başladılan "Bakı prosesi”ni mədəniyyətlərarası dialoqun inkişafı üçün əsas platforma kimi dəyərləndiririk”, - deyə bəyanatda bildirillir.