"Azərbaycan dünyada mədəniyyətlərarası dialoqa böyük töhfə verir"
XəzərXəbər xəbər verir ki, bunu Azərbaycan prezidenti İlham Əliyev Qoşulmama
Hərəkatı çərçivəsində Bakıda keçirilən "Davamlı inkişaf naminə
beynəlxalq sülh və təhlükəsizliyin təşviq edilməsi” mövzusunda aralıq
nazirlər konfransında bildirib.
Ölkə başçısı bildirib ki, Azərbaycan öz tarixi, mədəniyyəti ilə fəxr
edir. Əsrlər boyu Azərbaycanda müxtəlif xalqların nümayəndələri sülh və
əmin amanlıq şəraitində yaşayıb. Azərbaycan həmişə mültikultural ölkə
olub.
"Azərbaycan bundan sonra da bu dəyərləri inkişaf etdirəcək. Bu il Azərbaycan Xalq Cümhuriyyətinin 100 illiyi qeyd olunacaq. 100 il əvvəl yaradılan Azərbaycan Xalq Cümhuriyyəti
müsəlman şərqində ilk dəfə qadınlara səsvermə hüququ verib. Bu, 100 il
əvvəl azadlığın ən yüksək səviyyəsi idi. Biz 26 ildir müstəqilik. Lakin
müstəqilliyin ilk illərində Dağlıq Qarabağ münaqişəsi,
iqtisadi çətinliklər ilə üzləşmişdik. İqtisadi müstəqillik önəmlidir.
Məhz buna görə də biz iqtisadi inkişafa önəm verdik. Bu gün Azərbaycan
güclü iqtisadiyyata malikdir. Bizim iqtisadiyyatımız ötən 15 ildə 3
dəfədən çox artıb. Bu da dünyada bir rekorddur".