Azərbaycanın Xarici
İşlər Nazirliyi işğal altındakı Dağlıq Qarabağ ərazilərinə qanunsuz
səfər etmiş 600-ya yaxış şəxsin adını arzuolunmaz şəxslər siyahısına
salıb.
XəzərXəbər-in
xəbərinə görə, bunu Xarici İşlər Nazirliyinin mətbuat xidmətinin
rəhbəri Hikmət Hacıyev 2017-ci ilin yekunlarına dair keçirilən mətbuat
konfransında deyib.
Onun sözlərinə görə, artıq 10 nəfər adlarının
"qara siyahı”dan çıxarılması üçün Azərbaycana müraciət edib: "Hazırda
bununla bağlı araşdırma aparılır. Müraciətlərin əksəriyyəti təmin
olunub”.
H. Hacıyev həmçinin Türkiyədən olan bir qrup ziyalı -
Əli Bayramoğlu, Səid Çəkinoğlu, sabiq millət vəkili "Yaşıllar və Sol
Gələcək Partiyası”nın rəsmisi Ufuk Uras, yazıçı və aparıcı Erol
Katırçıoğlu "Qərbi Ermənistan Konqresi” adlanan təşkilatın təşəbbüsü ilə Dağlıq Qarabağa
qeyri-qanuni səfər etməsi ilə bağlı Azərbaycan hüquq-mühafizə
orqanlarının Türkiyənin hüquq-mühafizə orqanları ilə təmaslarını davam
etdirdiyini bildirib:
"Hazırda faktla bağlı açılan cinayət işi
üzrə iş davam edir. Bunula bağlı Türkiyə tərəfinə müraciət edilib. Onlar
hələ ki Azərbaycandan üzr istəməyiblər. Aparılan təbliğat və
maarfləndirmə işləri nəticəsində insanlar artıq Ermənistanın
yalanlarına uymurlar, həmçinin bəzi ölkələrin xarici işlər nazirlikləri
bu cür səfərlərin hüquqi məsuliyyət daşıması ilə bağlı öz internet
səhifələrinə xəbərdalıqlar yerləşdirib”.