Əfqanıstan hökuməti ilə "Taliban" arasında siyasi dialoqun əldə olunması İŞİD-lə mübarizəyə öz töhfəsinə verəcək.
XəzərXəbər xəbər verir ki, bu fikirləri Pakistanın xarici işlər naziri Xavaca
Məhəmməd Asif "Asiyanın Qəlbi” - İstanbul Prosesi çərçivəsində "Güclü
Asiyanın Qəlbi regionu naminə təhlükəsizlik və bağlılıq” mövzusunda Bakıda keçirilən VII nazirlər konfransında çıxışı zamanı bildirib.
Nazirin sözlərinə görə, Pakistan terror qruplaşmalarına qarşı mübarizədə Əfqanıstanı dəstəkləyir.
"Pakistan
inanır ki, Əfqanıstanla əməkdaşlığı inkişaf etdirərək iki ölkə arasında
olan problemləri aradan qaldıracaq. Əfqanıstan və Pakistan arasında
2600 km sərhəd mövcuddur. Sərhədlərin qorunmasına 2000-dən çox hərbçi
cəlb olunub. 900-dən çox nəzarət keçid məntəqəsi var. Biz düşünürük ki,
ölkə sərhdəçiləri arasında mübadilə bu sərhədin daha da qorunmasına
şərait yaradacaq. Bu toplantının məhsuldar olacağını düşünürəm və Bakı bəyannaməsi Əfqanıstanda sülh, sabitlik və təhlükəsizliyin təmin olunmasına öz töhfəsini verəcək".