Türkiyə prezidenti Rəcəb
Tayyib Ərdoğan Soçidə rusiyalı həmkarı Vladimir Putinlə keçirdiyi
görüşdə Dağlıq Qarabağ münaqişəsini müzakirə etdiyini bəyan edib.
Bu barədə Ərdoğan türkiyəli jurnalistlərə açıqlamasında bildirib.
"Cənab Putinlə Qarabağ münaqişəsini müzakirə etdik. Rusiyanın Ermənistana təsiri var. Yeddi rayondan beşi ilə bağlı daha əvvəl qəbul olunan qərar var (ərazilərin işğalı ilə bağlı BMT
TŞ-nin qətnamələri - star.com.tr). Bu qərarların icra olunmasının
zəruriliyini qeyd etdik. Cənab Putin bunun mümkün olduğunu hesab edir,
lakin o, çox da ümidli deyil. Məncə, bu, iki tərəf arasındakı
münasibətlərlə əlaqədardır”, - Ərdoğan vurğulayıb.
Qeyd edək ki, Türkiyə və Rusiya prezidentləri arasında görüş noyabrın 13-də Soçidə baş tutub.