Sahibkarlıq sahələrində yoxlamaların dayandırılması 2021-ci ilədək uzadılacaq.
XəzərXəbər xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında komitə sədri Ziyad Səmədzadə deyib.
O, bildirib ki, sahibkarlıq obyektlərində yoxlamaların iki il müddətinə dayandırılması bu ilin noyabr ayında başa çatır.
Xatırladaq
ki, 2015-ci ildə "Sahibkarlıq sahəsində aparılan yoxlamaların
dayandırılması haqqında" qanununun layihəsi qəbul olunub. Qanun layihəsi
sahibkarlığın inkişafı üçün böyük imkanlar yaradır. Qanun layihəsi 4
maddədən ibarətdir.
Sənəddə yoxlamaların dayandırılmasının noyabrın 1-dən hesablanmaq şərti ilə 2 il müddətinə nəzərdə tutulduğu qeyd olunub.
Bu
müddətdə yalnız vergi yoxlamaları, insanların həyat və sağlamlığına,
dövlətin təhlükəsizliyinə və iqtisadi maraqlarına təhlükə yaradan hallar
üzrə siyahısı müvafiq icra hakimiyyəti orqanı tərəfindən müəyyən edilən
yoxlamalar aparıla bilər. Həmin yoxlamalar da müvafiq icra hakimiyyəti
orqanı tərəfindən müəyyən edilən məhdudiyyətlər nəzərə alınmaqla
aparılır.
Layihədə qeyd olunub ki, qanunun müddəaları korrupsiya cinayətlərinin araşdırılması ilə əlaqədar Baş Prokurorluq tərəfindən aparılan yoxlamalara şamil edilmir.
Sahibkar
bu qanunun tələbləri pozulmaqla həyata keçirilən yoxlamalardan müvafiq
icra hakimiyyəti orqanına, prokurorluq orqanlarına, həmçinin inzibati və
məhkəmə qaydasında şikayət verə bilər.