Belarus prezidenti Aleksandr Lukaşenko Azərbaycanın müdafiə naziri Zakir Həsənovla görüşüb.
XəzərXəbər "Belta” agentliyinə istinadən xəbər verir ki, görüşdə iki ölkə arasında
mövcud olan hərbi-texniki əməkdaşlığın inkişaf etdirilməsi müzakirə
olunub.
"Belarusla Azərbaycan arasında hərbi-texniki əməkdaşlığın inkişaf etdirilməsi heç bir beynəlxalq razılaşmanı, BMT
TŞ-nin heç bir qətnaməsini pozmur. Biz suveren, müstəqil ölkələrik və
zamanın tələbinə, təklifinə uyğun əməkdaşlıq istiqamətlərini müəyyən
etmək hüququna malikik” - deyə Lukaşenko bildirib.
Öz növbəsində, müdafiə naziri Zakir Həsənov gərgin iş qarfikinə baxmayaraq onları qəbul edən A. Lukaşenoya təşəkkür edib. Prezident İlham Əliyevin
A. Lukaşenkoya salamlarını çatıdran Zakir Həsənov bildirib ki,
Azərbaycanda Belarusu sevirlər və bu ölkəyə xüsusi hörmətlə yanaşırlar:
"Bizim
bütün sahələrdə çox sıx əməkdaşlığımız mövcuddur. Siz düz qeyd etdiniz
ki, bizim bir-birimizdən öyrənəcəyimiz çox şey var. Hərbi-texniki sahədə
çox uğurlu layihələr və əməkdaşlıq mövcuddur. Bütün bunlar beynəlxalq
qanunlara uyğun olaraq həyata keçirilir. Tam məsuliyyətlə bəyan edirəm
ki, hərbi-texniki əməkdaşlıq çərçivəsində əldə etdiyimiz avadanlıqlar
yüksək keyfiyyətə malikdir və onlar Azərbaycan Silahlı Qüvvələrində uğurla istifadə olunur. Bu bizə imkan verir ki bu sahədə əməkdaşlığı davam və inkişaf etdirək”.