"Qarabağ”- "Roma” oyununun bütün biletləri satılıb.
Bunu XəzərXəbər-ə "Qarabağ” futbol klubunun mətbuat xidmətinin rəhbəri Nurlan İbrahimov
deyib. Klub rəsmisi bildirib ki, 67 500 biletin hamısı satılıb.
N.İbrahimov qeyd edib ki, rəqib "Roma”
klubunun azarkeşləri üçün 500 yer ayrılıb. Klub rəsmisi, həmçinin
vurğulayıb ki, azarkeşlərin stadionlara aparılması üçün xüsusi nəqliyyat
vasitələrinin ayrılması nəzərdə tutulmayıb.
Qeyd edək ki, "Qarabağ” - "Roma” matçı sentyabrın 27-si, saat 20:00-da start götürəcək. Bu görüş Cənubi Qafqazda ən çox insanın canlı baxacağı ilk oyun kimi tarixə düşəcək.