Xarici işlər naziri
Elmar Məmmədyarov BMT Baş Məclisinin 72-ci sessiyası çərçivəsində Keniya
Respublikasının Xarici Əlaqələr və Tiracət naziri Amina Mohamed , Kosta
Rika Respublikasının Xarici Əlaqələr və Etiqad naziri Manuel Qonsales
Sans, Dominikan Respublikasının Xarici Əlaqələr üzrə Dövlət Katibi Miqel
Varqas Maldonado, Kolumbiya Respublikasının xarici işlər naziri Maria
Anxela Olgin, Sent Kitts ve Nevisin xarici işlər naziri Mark Brantley ,
Makedoniyanın xarici işlər naziri Nikola Dimitrov, Sent Vinsent ve
Qrenadin xarici əlaqələr, biznes və ticarət naziri Luis Straker və
İspaniya Krallığının Xarici Əlaqələr və Əməkdaşlıq məsələri üzrə naziri
Alfonso Dastis ilə ikitərəfli görüşlər keçirdi.
Bu barədə XİN-dən daxil olan məlumatda bildirilir.
Keçirilmiş
görüşlərdə müvafiq olaraq ölkələr arasında ikitərəfli münasibətlərin
daha da dərinləşdirilməsi və bu istiqamətdə birgə səylərin davam
etdirilməsinin zəruriliyi qeyd olundu. Bu xüsusda, qarşılıqlı rəsmi
səfərlərin və Xarici İşlər Nazirlikləri səviyyəsində siyasi
məsləhətləşmələrin mühüm əhəmiyyətə malik olduğu vurğulandı. İkitərəfli
müqavilə-hüquq bazasının, iqtisadi-ticarət və humanitar əlaqələrin birgə
səylərlə inkişaf etdirilməsi yolları barədə fikir mübadiləsi aparıldı.
Habelə,
görüşlərdə sözügedən ölkələrlə beynəlxalq təşkilatlar çərçivəsində
əməkdaşlıq və seçkili orqanlarda qarşılıqlı dəstək məsələlərinə
toxunuldu.
Görüşlərdə tərəflər arasında BMT Baş Məclisinin 72-ci sessiyasının gündəliyində duran aktual məsələlər müzakirə olundu.
Görüşlər əsnasında nazir Elmar Məmmədyarov Azərbaycan və regionun təhlükəsizliyi üçün ciddi təhdid olan Ermənistan-Azərbaycan Dağlıq Qarabağ münaqişəsi və Ermənistanın Azərbaycana qarşı davam edən işğalı, Ermənistanın
müxtəlif təxribatlarla münaqişənin həlli prosesini daim pozmaq cəhdləri
və işğala əsaslanan status kvonu saxlamaq siyasəti barədə həmkarlarına
müfəssəl məlumat verərək, münaqişənin BMT Təhlükəsizlik Şurasının məlum
qətnamələrinə uyğun olaraq Azərbaycanın
suverenliyi, ərazi bütövlüyü və beynəlxalq səviyyədə tanınmış
sərhədlərinin toxunulmazlığı prinsipləri əsasında həll edilməli olduğunu
dedi. Elmar Məmmədyarov münaqişənin həllində Azərbaycanın
beynəlxalq hüququn norma və prinsiplərinə əsaslanan ədalətli və haqlı
mövqeyinin bütün beynəlxalq ictimaiyyət, o cümlədən görüş keçirən
ölkələr tərəfindən daim dəstəklənməsinin yüksək qiymətləndirildiyini
nəzərə çatdırdı.
Kolumbiya tərəfi ilə keçirilmiş görüşdə Azərbaycan tərəfdən nazir Elmar Məmmədyarov və Kolumbiya tərəfdən nazir Maria Anxela Olgin "Azərbaycan
Respublikasının Xarici İşlər Nazirliyi ilə Kolumbiya Respublikasının
Xarici İşlər Naziri arasında idman və mədəniyyətin təşviqinə dair”
Bəyannaməni imzaladılar.