Əli Həsənov: "Azərbaycanda azad media formalaşıb"

22.06.2018 20:00

Bu gün nümayiş olunan çıxış və filmdən QHT Şurasının 10 ildə böyük işlər gördüyünü deyə bilərik. Şuranın fəaliyyəti qənaətbəxş hesab edilə bilər.

XəzərXəbər xəbər verir ki, bu sözləri Prezidentin İctimai-siyasi məsələlər üzrə köməkçisi Əli Həsənov Prezident yanında Qeyri-Hökümət Təşkilatlarına Dövlət Dəstəyi Şurasının 10 illik yubiley tədbirində çıxışı zamanı deyib.

Ə.Həsənov dövlətin bu məsələdə şuraya dəstəyindən danışıb:

"İndiki və keçmiş Şura üzvləri, Qeyri hökumət təşkilatları vətəndaş cəmiyyəti institutunun əməkdaşlarına təşəkkür edirəm. Prezidentimiz vətəndaş cəmiyyətlərinin inkişafını inkişafımızın əsas şərti kimi dəyərləndirib. Vətəndaş cəmiyyətinin inkişafı dövlət siyasətinin əsas təməli hesab edilir. Dövlətimizin inkişafının əsas təməli 1992-93-cü illərdə Ulu öndər Heydər Əliyev tərəfindən qoyulub. 1995-ci ildən bu vaxta qədər 15 seçki keçirilib, onların hamısında azad siyasi mübarizə nümayiş edilib. Seçkilərin nəticələri xalqın marağına xidmət edib. 1995-ci ildən ölkəmizdə azad media formalaşıb. Qeyri-Hökumət təşkilatının formalaşması dövlətimizin əsas marağı olub. Bu istəklərin hər birinə nail olduğumuza görə dövlət olaraq qürur hissi keçiririk.

1992-ci il müstəqillik qazanandan sonra dövlətin ilk işlərindən biri Qeyri-hökumət təşkilatları haqqında aktların qəbul olunması idi. Lakin 1998-ci ildə qrantlar haqqında qanun qəbul olunana qədər Qeyri-hökumət təşkilatlarının necə maliyyələşməsi ilə bağlı mübahisələr var idi. Həmin ilə qədər bu təşkilatların nümayəndələri müxtəlif tərəflərə meyl etdi. Bu gün Azərbaycanda şəffaf şəkildə vətəndaş cəmiyyəti institutunun fəaliyyətini müşahidə edirik. Həm dövlətin ayırdığı qrantlar, həm də xarici ölkələrdən daxil olan vəsaitlər təşəbbüskar insanlar tərəfindən istifadə edilir. QHT sektoru bir məslək kimi formalaşdı. Bu sektorda təşəbbüskar insanlar üçün iş imkanı yaradıldı. 26 illik müstəqillik fəaliyyətimizdə bu sektorun fəaliyyətinə 306 milyon manata yaxın vəsait ayrılıb. Bu illər ərzində 4500-dən artıq layihəyə 36 milyona yaxın vəsait ayrılıb. 10 ildə 15 mindən çox insan QHT Şurasının ayırdığı vəsait hesabına fəaliyyət göstərib, 30 mindən artıq insan QHT sektorunda özünə məşğulluq tapıb. Dövlətimizin gücünü ölçəndə bu 30 minə ümid bəsləyirik. Onlar dövlətimizə qarşı təhlükələrə sinə gərməkdə məmurlardan az fəal deyillər. Onlar heç siyasi partiyalardan da az dövlətin maraqlarını, qanunların düzgün tətbiqini təlqin etmirlər. Bəzi QHT-lər sırasında xarici donorların dəstəyi ilə dövlətin əleyhinə çıxış edənlər də olub. Bu mediada hiss olunan təzahürdür. Sevindirici haldır ki, mövqeyi sağlam olan qüvvələr QHT sektorunda təmsil olunanların 90 faizini təşkil edir”.

© xezerxeber.az


394 dəfə oxunub

XƏBƏRLƏR

ÇOX OXUNANLAR