Ermənilərin bu vəhşi əməlləri onlara baha başa gələcək - Polkovnik

19.04.2018 17:49

Ermənistan ordusunun bölmələri işğal olunmuş Azərbaycan torpaqlarından əhaliyə atəş açmağa adət ediblər.

Bunu AZƏRTAC-a açıqlamasında ehtiyatda olan polkovnik Əzizağa Qəni-zadə Ağcabədi rayonunda Ermənistan silahlı bölmələrinin dinc sakinləri atəşə tutmasına və Hacıyev Rahim Azər oğluna xəsarət yetirmələrinə münasibət bildirərkən deyib.

Əzizağa Qəni-zadə bildirib ki, bunu özləri üçün hünər hesab edən ermənilər aprelin 18-də Ağcabədi rayonunun Yuxarı Qiyacməddinli kənd sakini, 1991-ci il təvəllüdlü Rahim Hacıyevi əkin sahəsində olarkən odlu silahla yaralayıblar. Bu onların öncədən düşünülmüş planlarını bir daha təsdiqləyir və bizi bu halların qarşısını almağa, silahsız sakinlərə qarşı atəş açdıqları adsız yüksəklikləri azad etməyə vadar edirlər.

Ermənilərin bu vəhşi əməlləri onlara baha başa gələcək və bu dəfə Silahlı Qüvvələrimiz heç bir güzəştə getməyəcək.

© xezerxeber.az

FOTOQALERIYA






384 dəfə oxunub

XƏBƏRLƏR

ÇOX OXUNANLAR